حط الرحى بين تنتين ******** بنات سيد ولاّ شقايق
تباعد نجع الوديدات ********* بعد ما كنّا رفايق
_______
سؤال النبي يا بعيدين ***** دزوا نباكم ايجينا
صحيحين ولا مريضين ***** والا الخاطر إنسينا
___________
خوها ليا جا يتمشى ****** صباّ وقال انشدوها
قولو لها ليش تبكي ***** وانا حي مازلت خوها
___________
ناخوي غالي عليا ***** وكثير الغلا من افعاله
لايجمل القول فيا **** ولا يرفعه ولا يساله
_____________
ياميمتى خير بختى **** من دونكم ياخواتى
م السهم جتنى كرومه **** حصل عظمها فى لهاتى
______
احيه من خونة السر....واحيه من اللي مجاور
واحيه من سية حبيبك..ما يبردنها محاور
_______________
هذا مكان موقد النار ,, وهذا مكان وين كانوا
ثاريتك يا الدهر غدار ,, فارقتهم نين هانوا
_________________
القسم في عالم الغيب..ماهو في ظريف البسايم
واللي يبيعك بلا عيب..بيعه واشري العزايم
_____________
ميعاد فيه العدوات..انا حالفة لا هويته
وميعاد فيه الوديدات..شره خاطري وين جيته
_______________
عالي الكرب بيت باباي..وفمه امفتح للبرودة
يازين ميعادنا فيه..احنا والميمة الودوده
___________
خوذ بنت من خالها ثبت...وبوها كبير الجماعه
وخوها الجواب المطبق... اللي ينجبد كل ساعة
ناالعين وانتوا نضرها **** ونا اليد وانتوا الأصابع
ونا الأرض وانتوا مطرها ** بلاكم تصيف المرابع
____
ياطالع فوق في الجو *** ابني على الصح ساسك
وياحارث الشوك من تو ** تشوف العجب في دراسك
___
ياسعد من غايبه جاه *** ويا فرحته يادلاله
ونا غايبي طال مرجاه *** مشتاقة لتوقة خياله
______
ياطالع فوق في الجو *** ابني على الصح ساسك
وياحارث الشوك من تو ** تشوف العجب في دراسك
___________
ياسعد من غايبه جاه *** ويا فرحته يادلاله
ونا غايبي طال مرجاه *** مشتاقة لتوقة خياله
______________
عيني عماها الرفيف وقلبي خداه الريافي
من وحشتك يا ولد بوي ما نرقد الليل وافي
بعيد نجعكم يالغالي بعد السما عن الاراضي
وين تخطرو بالبعيدين البلا د ايجدن علي امراضي
وين تخطرو ياغوالي يجي الدمع داير قواطر
بديت كيف من صاايم الحول علي التوم والبصل فاطر
اللي بعدهم كيف الجدب واللي قربهم ريح جنه
__________
العين للعين ميزان والقلب للقلب راجع ****** بنادم ايجي بلحسان ويباعدنه المواجع
__________
اخيه مامر ريقي *****واحيه ماحر دايا
واللي احسبته حبيبي **طلع عدو من ورايا
اللي طلب يطلب الله ** ويقول ياكريم المعاطي
والعبد خليك منه ***** لا يرفعك لا يواطي
انا القلب بايت ايخمم *** والعين باتت سمورة
علي حيكم ياعزيزين *** يالندرة وين شورة
ناري عللي غريب *** في بلاد ماهي بلاده
الفم يضحك ويلعب *** والقلب صابغ سواده
صبرتهن مانفع صبر *** كففتهن جني دوارف
عميات بدمع لنظار **** يبكن اللي موش عارف
غير خيركن ياعيوني *** نوم الهنا ماعاد جاكن
في القايلة توجعوني *** وفي الليل كاثر بكاكن
ياريتني ماعرفته *** ولا شبلي ليه خاطر
تباعد على شبحت العين ** خلى دموعي قواطر
لي عين بدمع تنهال *** ولي قلب كاثر خيابه
على ونس غالي ** على البال واليوم دونه مجابا
__________
تحْسَابَي الليل طوِيل الفَجْر جاك بَوْقَة يا رحَىَ
___________
العين تنظر ,,,,والعقول توازن
والوذن تسمع ,,,,والقلوب مخازن
كبر التطنفير للباف ,,,وطول الخطا للنعامة
وبنادم ليا كان عراف ,,,,,شكار روحه ذمامه
ما فيش في النساء طيبة خيم ....ولا في الشتاء ليل دافئ
ولا في البحر بئر معلوم .....ولا في العدو قلب صافي
___________
هذا بيت قصته ان فيه زمان وحدة زايرينها اهلها في نجع اهل زوجها وكانوا اهل زوجها امدبرين يبوا يقتلوا هلها ومعرفتش كيف اتقول لي اهلها ، ناضت في الليل ترحي وقعت اتقول
يابدر يابني بدر ...... يافاهمين الكلامي
العيش خابزاته بديا ..... والأيدام ماهو ايدامي
سمعوا هلها وناضوا روحوا من غير مايحس بيهم حد
والبيت التاني قصته ان وحدة طلقها راجلها وخدي اصغارها وقعدت هي ساكنا مع خوها المهم ياناري استحشت اصغارها وماقدرتش اتقول لخوها مشي ناضت ترحي في الليل ( لاحظوا ديمةالمراة ترحي في الليل ) وقالت
يالندرا يابن امي ...... وين رحلو وقاموا
عيش الغداء عنه لعبوا .......وعيش العشاء عنه ناموا
سمعها خوها وفهمها ومشي جابلها اصغارها شافتهم
__________________________________
ونا يامى خير عينى جلا النوم مابا يجيها
متفكره زول غالى ولا الرمد بات فيها