عندي العقل كي غونن نوا فالحال ارحاله شال
عدل وجهته شرق عمد لجبال
هلب بنغازي
وخش الجبل لخضر بشوق ايزازي
حكم الجبل عالعقل حكم النازي
ان ماقتل مارحمته تنطال
امرايف ارياف العمر ماني هازي
لاجل اربيت وعشت فيه دلال
وحتي ان كبرت وشالني عكازي
هونة الجبل والله مالمحال
وطالب ان مت يكون غير مفازي
مالمولي الدفنه في وطاه ان نال
لاجل اتراب الوطن عز اعزازي
ولا العين غيره عندها موال
نواها برقه
عدل جيهته جبا رحيله شرقه
مرايف وناره فالجواجي ترقا
علي وطن موقابل عليه ابدال
امرايف علي عد الشجر بالورقه
وعلي عد الوطا بالشبر والاميال
ومرايف علي صفوة سماه الزرقا
وعالكوف والبيضا وعالشلال
وريافي علي الموكار ماهو طهقه
نلقنه غلا وارياف بوعقال
للشاعر فتح الله بوعوينه
منقول