نلقى روحى هايم بيك

يقول الشاعر الشعبى فتحى القابسى

معد يلزمني دور الصوب .. مني عهد إنفكر فيك

ولما يندهلي المكتوب .. إنحاول بأذن الله إنجيك

لاكن توا أرجوك أعذرني .. نا كل أبوابي مقفوله

مازال منامي هاجرني .. من قصه قبلك مجهوله

إنفد بأحلامك سيبني .. تتعب وإمعاك إتعبني

خليك إمبـــــــــاعد خليك .

إنت معذور علي نيتك .. تبيني ملفي لودادك

فارح بأشواقك ثاريتك .. مانك عارف إيش قصادك

وأمتي مانحتاج حنين .. ونشعر بيك إنك ناقصني

ممكن نرسلك بعدين .. تعال تو لا ونسني

لاكن توا أرجوك إعفيني .. نا يادوب إنساهي عيني

ماعندي كيف إنلاقيك

أسف جدا كان بودي .. تسمع كلمه حلوة مني

لاكن همي غالب ردي .. وكل إظروفي غصبا عني

نقدر وين إتجي نفرحلك .. وإنقول حبيبي وإعيوني

وإنحل أبوابي نفتحلك .. وإنخليك منام إجفوني

لاكن تو أنسي ريحني .. خايف شي مرة تفضحني

ونلقى روحي هايم بيك .

><

اختيار ررررررررررررررررررررررائع اخى دودى نلقى روحى هايم بيك 191234

أختيار رائع لشاعر اروع بارك الله فيك كلمات قمه في الروعه ننتظر منك المزيد