ياغاليين علي

موضوع: ياغاليين علي الثلاثاء مايو 04, 2010 7:18 am

ياغاليين علي الدنيا.............................. بلاكم ماتساوي شي
ليش الجفا
ياغاليين الروح --------------عنكم اتسال وخاطري مجروح
ليش تتركوني للجفا والموح------------بين بين لا ميت ولاني حي
شوقي تعدى فوق مالمسموح-------------امغير فيه نتقا بعزم قوي
وهالقلب يكمى والعيون تبوح------------تقول غيركم ماحد علي اغلي
ياغاليين اشتاق---------------------الخاطر لكم واجد وعلمه ضاق
وفاللي لفى من شوركم تواق------------بالك خبر منكم امعاه ايجي
غيابكم ومر البعدعنكم ذاق-------------نين مر في ريقه الحلو ابقي
الدنيا بلاكم يوم ماتنطاق------------ولا العيش طيب لا النوم هني
ياغاليين ايعدن-------------------ايامنا وما من عمرنا ينعدن
بلاكم وبيكم من جديد ايردن----------زها ويتهنى قلب عاش شقي
ياغاليين انحس------------------الدنيا بلاكم فاقده الونس
من ظلمه لظلمه في ظلام وبس--------مااضويلها من يوم غبتوا ضي
ليش يااصبي العين يالنفس---------غيابكم علي ونا حبيب وفي
لمتى اندس ارياف مايندس---------ونموت مالرجا والشوق موت بطي
ياغاليين العين------------------خلا اتشوف فالدنيا بلاكم شين
حتى والعرب علي ملتفين----------اصحاب وحباب ودنيتي في يدي
بلاكم ايلم الهم والتكوين-----------ويصبح وسيع الكون ضايق بي
نمشي ومانعرف اموجه وين--------ونحكي وما مني تفرز دي
حايس وزايدني لكم حنين---------وشوق حاطني في عقل ماهو لي
روح غايبه عن جسم موش اثنين-------متباعدين نا وانتوا اوزاد اشوي
ياغايين ايزيد------------------فينا غلاكم كل يوم جديد
ومابا مع مر ليام ايبيد------------ولايغيرنه عالايام اعصي
ولا قدرت عنكم يااولاف انحيد---------ومانديرها دوبين روحي في
باقي علي كبدي غلاكم سيد---------مااتقول عالم الله علي

مشكور على روعة الأختيار للكلمات
ربي يعطيك العافية

مرورك له الأثر الطيب في نفسي نورت الموضوع بحضور الرائع