ياحاج طالب على الرسول قصيده

يا حاج طالب ع الرسول قصيدة .. محمَّد ونذكر سيرته الحميدة

يا حاج طالب ع الرسول الغالي .. قصيدة جميع السامعين اتوالي

أنت اتقـــول وتِّيها ونا في بالي .. وإن ما درتّهَا تبقى عليّ نقيده

واجب عــلي انشرَّفه بأقوالي .. ونشرِّف اللِّي ذكر الرسول ايريده

علي سنَّته مـــاشي امداد وأجالي .. من يوماً نشا والله إيمان ايزيده

وإنتَ مــن اللِّي الإيمان قلبك مالي .. شريف وشريف ايهمِّني تمجيده

واسمك علي اسمه موش ضرب أمثالي .. وعلي سنَّته ماشي وهو العقيدة

انعنَّك امــعاهم في المقام العالي .. هو والصحابه وكل روح شهيدة

وينمــا اتلاقي ربَّها في التـالي .. الخـالق اللِّي عالم أسرار عبيده

يا حــــاج لا تُوْصِيْنِي .. عــــلي خير خلق الله قرَّة عيني

محمــد حبــيب الله ناشر ديني .. انقـولها ونا خاشع بلا ترديده

وبشفاعته يوم الحســاب ايجيني .. إن كان فزت هذي غايتي الوحيدة

اتخفِّـف علي الــذنب وتنجِّيني .. من هـول يوم الحشر وتمرميده

وندعي ونا ملهوف طول اسنيني .. وادموعي علي خدِّي اتسيل بديدة

انعنِّي اكتــابي ناخــذه بِيْميني .. وفي جنَّته ناجــد حياة سعيدة

في أجــوار جدّ الحسن والحُسِيني .. اللِّي جيرته تمحا اذنوب عديدة

يا حـاج طالب ع الرسول وصيَّة .. ونا قلت لك حاضر إلزام عليَّه

مـدح الرسول اللِّي شرف طاريَّه .. شفيع أمتَّه من يوم شين صهيدة

يوم فيــه تبقى واقفة جمليَّة .. قـدَّام ربّ واحـد ما عليه مكيدة

لا يخفى لا تخفى عـــليه خَفيَّة .. والحكم حكمه والوعيد وعيده

واللِّي ما يصلِّي ع الرسول نبيَّه .. ايجي يوم يندم والندم ما ايفيده

يا ســعد من صلَّى عليه بْنيَّة .. في كـل لحظة ساعة التشهيده

يا حاج طالب ع الرسول الهادي .. محمَّد اللِّي هو غايتي ومرادي

نصلِّي عليه ونذكره في البادي .. علي عدّ ما ذاب الشتا بْجليده

للشاعر : جمعة عبد الرحيم بوخبينة

فيك تبارك الله شكرا لك أخيتي الفاضله على مرورك الطيب

بارك الله فيك

زهرة الربيع كتب:: بارك الله فيك

فيك تبارك الله شكرا لك أخيتي على المرور الطيب